ഇതു മഞ്ഞുകാലം..

രണ്ട് ദിവസമായി നിലയ്ക്കാത്ത ഹിമപാതം.
പെയ്തൊഴിഞ്ഞ് വീണ്ടും ഒരു അസ്തമയമെത്തുന്നു.
വേലിയില്‍ വിറപൂണ്ടിരിക്കുന്ന കുരുവികള്‍.
മഞ്ഞു പൂക്കുന്ന ചില്ലകളില്‍
കൂടു തിരയുന്ന ഏകാകിയൊരുവള്‍‍.
കോണ്‍ക്രീറ്റ് തെരുവില്‍
തണുപ്പില്‍ തല ചായ്ച്ച്
മറ്റൊരാള്‍...

ഞാന്‍ മുറിയ്ക്കുള്ളില്‍,
സുഖപ്രദമായ നേര്‍ത്ത ചൂടിന്റെ
വിരിപ്പുകളിലേക്ക് ‍ചേക്കേറുന്നു..
വീടുകളില്ലാത്തവരെയോര്‍ത്ത്
പനിയ്ക്കാ‍തെ,
വിറയ്ക്കാതെ,
വിയര്‍ക്കാതെ
അഗാധ നിദ്രയിലേക്ക്..